ᕝᕌᓐᒃᓕᓐ ᒨᓕᖓᔪᓂᒃ ᑐᑭᓯᓂᐊᖃᑎᒌᒃᑐᐃᑦ ᐱᓇᓱᐊᖃᑎᒋᔭᖏᑦᑕ ᓯᓚᑖᒍᖅᑐᓂᒃ ᑐᓴᖅᑎᑦᓯᔾᔪᑎᖓ | ᑏᓯᒻᐱᕆ 1, 2015 ᒪᒃᐱᒐᖅ 1 / 5 ᕈᐃᔪ ᐊᓐᑎᐅᕆᔪ ᑕᑯᔭᒐᖃᕐᕕᖓ ᑲᓇᑕᐅᓪᓗ ᒥᕐᖑᖏᖅᓯᕕᖓᑦ ᑲᑐᑎᓪᓗᑎᒃ ᑐᑭᓯᓂᐊᖃᑎᒌᒍᑎᐅᓂᐊᖅᑐᒥᒃ ᑲᓇᑕᒥ ᑕᑯᔭᒐᖃᕐᕕᖏᓐᓂ ᑕᑯᒃᓴᐅᑎᒃᓯᖃᑎᒌᖕᓂᐊᖅᐳᑦ ᕝᕌᓐᒃᓕᓐ ᓇᓂᔭᐅᓂᖓᓅᓕᖓᔪᓂᒃ

ᕝᕌᓐᒃᓕᓐᒨᖓᔪᓂᒃ ᑐᑭᓯᓂᐊᖃᑎᒌᒃᑐᐃᑦ ᐱᓇᓱᐊᖃᑎᒋᔭᖏᑦᑕ ᓯᓚᑖᒍᖅᑐᑦ ᑲᑎᑎᑦᓯᕗᖅ 10-ᓂᒃ

ᑕᑯᔭᒐᖃᕐᕕᐅᔪᓂᒃ ᑲᓇᑕᒥ ᐱᓇᓱᐊᖅᑕᐅᔪᒥᒃ ᓴᕿᔮᖅᑎᑦᓯᖃᑎᒌᖕᓂᐊᕐᖢᑎᒃ ᕝᕌᓐᒃᓕᓐ

ᐊᐅᓛᕐᓂᕆᔭᒥᓂᖏᑦ ᓴᕿᑦᑕᖅᑐᓂᒃ ᓄᐃᑕᑎᑦᓯᓗᑎᒃ ᐱᓇᓱᐊᕐᓂᖃᕐᓂᐊᖅᑐᑦ ᑲᑐᑎᓗᑎᒃ

ᑕᑯᔭᒐᖃᕐᕖᑦ ᓴᕿᔮᖅᑎᑦᓯᓗᑎᒃ ᐅᑭᐅᒥᑦ 2016 ᐱᒋᐊᕐᓗᓂ

Diving on the Erebus shipᑐᕌᓐᑐ, ᑏᓯᒻᐱᕆ 1, 2015 - ᕈᐃᔪ ᐊᓐᑎᐅᕆᔪᒥ ᑕᑯᔭᒐᖃᕐᕕᖓ ᐊᒻᒪᓗ ᑲᓇᑕᒥ ᒥᕐᖑᐃᖅᓯᕕᒃᑯᑦ ᓇᓗᓇᐃᖅᓯᓯᒪᓕᖅᐳᑦ ᖁᓖᑦ ᐃᓚᐅᖃᑕᐅᓂᐊᕐᓂᖏᓐᓂᒃ, ᐱᖃᓯᐅᑎᓪᓗᒍ ᕈᐃᔪ ᐊᓐᑎᐅᕆᔪᒥ ᑕᑯᔭᒐᖃᕐᕕᖓ, ᕝᕌᓐᒃᓕᓐᒨᖓᔪᓂᒃ ᑐᑭᓯᓂᐊᖃᑎᒌᒃᑐᐃᑦ ᐱᓇᓱᐊᖃᑎᒋᔭᖏᑦᑕ ᓯᓚᑖᒍᖅᑐᓂᒃ. ᐃᓚᐅᖃᑕᐅᓂᐊᖅᑐᑦ ᑕᕆᐅᑉ- ᓯᒡᖓᔭᓂᑦ-ᑕᕆᐅᑉ ᓯᒡᔭᖓᓄᑦ ᑐᑭᓯᓂᐊᖃᑎᒌᒡᕕᐅᔪᓕᒫᑦ ᑲᓇᑕᒥᐅᑦ ᑕᑯᔭᒐᖃᕐᕕᖏᑦ ᐃᑦᑕᕐᓂᓴᕐᓂᒃ (ᒐᑎᓅ, ᑯᐸᐃᒃ); ᒋᓕᓐᐳ ᑕᑯᔭᒐᖃᕐᕕᒃ (ᑲᓪᒍᕆ, ᐋᓪᐳᑕ); ᒪᓂᑐᐸᒥ ᑕᑯᔭᒐᖃᕐᕕᒃ (ᕗᐃᓂᐱᒡ); ᓇᑦᑎᓕᒃ ᐃᑦᑕᕐᓂᓴᖃᕐᕕᒃ (ᐅᖅᓱᖅᑑᖅ, ᓄᓇᕗᑦ); ᑯᐸᐃᒃᒥ ᑕᕆᐅᖓᓂ ᑕᑯᔭᒐᖃᕐᕕᒃ (ᑯᐸᐃᒃ ᓯᑎ); ᓂᐅ ᐳᕋᓐᓱᕗᐃᒃ ᑕᑯᔭᒐᖃᕐᕕᒃ (ᓴᐃᓐᑦ ᔮᓐ); ᓅᕙ ᓯᑰᓯᐊ ᑕᑯᔭᒐᖃᕐᕕᒃ (ᕼᐋᓕᕙᒃᔅ); ᕈᐃᔪ ᐳᕆᑎᔅ ᑲᓚᓐᐱᐊ ᑕᑯᔭᒐᖃᕐᕕᒃ (ᕕᒃᑐᕆᔭ); ᐊᒻᒪᓗ ᕙᓐᑯᕗ ᑕᕆᐅᖓᓂ ᑕᑯᔭᒐᖃᕐᕕᖓ. ᕝᕌᓐᒃᓕᓐᒨᖓᔪᓂᒃ ᑐᑭᓯᓂᐊᖃᑎᒌᒃᑐᐃᑦ ᓯᓚᑖᒍᖅᑐᑦ ᐱᓇᓱᐊᖃᑎᒌᒃᑐᑦ, ᑐᓴᖅᑎᑦᓯᓚᐅᖅᐳᑦ ᑏᓯᒻᐱᕆ 2014-ᖑᑎᓪᓗᒍ ᑲᑎᙵᓂᖃᖅᑎᑦᑎᓪᓗᑎᒃ ᕈᐃᔪ ᐊᓐᑎᐅᕆᔪᒥ ᑕᑯᔭᒐᖃᕐᕕᖓᓂ, ᐃᒫᒃ ᑕᑯᒃᓴᐅᑎᑦᓯᖃᑎᒌᖕᓂᐊᕐᓗᑎᒃ ᐅᔨᔭᐅᓯᒪᖐᓇᖅᑐᒥᒃ ᕝᕌᓐᒃᓕᓐ ᐊᐅᓛᕐᓂᕆᔭᒥᓂᖏᑦ.

ᐊᕐᕌᒍᓄᑦ ᐱᖓᓱᓄᑦ ᖃᐃᕙᓪᓕᐊᔪᓄᑦ, ᕝᕌᓐᒃᓕᓐ ᐊᐅᓛᕐᓂᕆᔭᒥᓂᖏᑦ, ᐊᒻᒪᓗ ᖃᐅᔨᔭᐅᕙᓪᓕᐊᓂᕆᔭᖓ, ᐅᐸᒃᑕᐅᕕᖃᖃᑦᑕᕈᓐᓇᖅᓯᓚᓕᖅᐳᑦ ᑲᓇᑕᒥᐅᓄᑦ ᓴᕿᑦᑕᖅᑐᒃᑯᑦ ᓄᐃᑕᑎᑕᐅᓗᑎᒃ ᐊᒻᒪᓗ ᑕᑯᒃᓴᐅᑎᑕᐅᔪᓂᒃ ᐅᖃᖅᑎᖃᕐᓗᑎᒃ ᑕᒃᑯᓄᖓ ᑲᓇᑕᒥ ᑐᑭᓯᓂᐊᖃᑎᒌᒃᑏᑦ ᐃᓚᐅᖃᑕᐅᔪᑦ ᑕᑯᔭᒐᖃᕐᕕᖏᓐᓂ ᐱᕕᖃᖅᑎᑦᓯᓚᖅᐳᑦ ᐊᖏᒡᓕᒋᐊᖅᑎᑦᓯᓂᕐᒥᒃ ᕝᕌᓐᒃᓕᓐᒨᓕᖓᔪᓂᒃ ᑐᑭᓯᓂᐊᖃᑎᒌᒃᑐᑦ ᐱᓇᓱᐊᖃᑎᒋᔭᖏᑦᑕ ᓯᓚᑖᒍᖅᑐᓂᒃ ᑎᑭᐅᑎᖁᓪᓗᒍ ᓄᓇᓕᖏᓐᓄᑦ, ᐱᖃᓯᐅᑎᓗᑎᒃ ᑕᑯᒃᓴᐅᑎᑦᓯᖃᑎᒌᖕᓂᕐᒥᒃ ᐃᒻᒥᖕᓂᒃ.

ᐅᑭᐅᖑᓕᖅᐸᑦ 2016ᒥ, ᕈᐊᔪ ᐊᓐᑎᐅᕆᔪᒥ ᑕᑯᔭᒐᖃᕐᕕᖓ ᑐᓂᐅᖅᑲᐃᓂᖃᓛᖅᑐᖅ ᑕᑯᒃᓴᐅᑎᑕᐅᔪᒃᓴᓂᒃ ᑕᑯᔭᒐᖃᕐᕕᒋᔭᐅᓂᐊᖅᑐᓄᑦ. ᐳᓚᕋᖅᑐᐃᑦ ᓂᕆᐅᒋᔭᖃᕈᓐᓇᖅᐳᑦ ᑐᓴᐅᒪᔭᐅᔭᕆᐊᓕᖕᓂᒃ ᓇᓂᔭᐅᕋᑖᖅᓯᒪᔪᓅᓕᖓᔪᓂᒃ ᐊᒻᒪᓗ ᖃᐅᔨᓴᖅᑕᐅᓯᒪᔪᐃᑦ ᓴᕿᔮᖅᑎᑕᐅᓗᑎᒃ ᒪᕐᕈᐃᓕᖓᔪᒃᑯᑦ- ᓴᕿᔮᖅᑎᑦᓯᕕᒃᑯᑦ ᑕᑯᔭᒃᓴᐅᓗᑎᒃ, ᐊᔾᔨᐅᖏᑐᒥᒡᓗ ᖃᕆᑕᐅᔭᒃᑰᑦ ᐃᓗᓕᖃᐅᖅᑐᒥᒃ. ᑐᓴᐅᒪᔪᒥᓇᑦᓯᐊᖅᑐᒥᒃ ᑕᑯᔭᒃᓴᓕᒃ, ᓴᕿᑉᐸᓪᓕᐊᔪᓂᒃ ᖃᕆᑕᐅᔭᒃᑯᑦ ᐳᓛᕐᕕᓕᒃ, ᐊᒻᒪᓗ ᐱᕙᓪᓕᕐᓇᖅᑐᒥᒃ ᐃᑲᔫᑎᒃᓴᓂᒃ ᐃᓕᓐᓂᐊᕈᑎᒃᓴᖃᖅᖢᓂ ᐃᓚᒋᔭᐅᑐᐃᓐᓇᕆᐊᓕᖕᓂᒃ ᐊᑐᓂᑦ ᑕᑯᔭᒐᖃᕐᕖᑦ ᓴᕿᔮᖅᑎᑕᖏᓐᓄᑦ. ᑕᒃᑯᐊ ᐃᑦᑕᕐᓂᓴᑐᖃᐃᑦ ᐱᖁᑎᑐᖄᓗᐃᑦ ᐊᐅᓪᓚᖃᑕᐅᖃᑦᑕᓛᖏᑦᑐᑦ ᑕᑯᓴᐅᔪᒃᓴᑎᑐᑦ, ᑕᑯᔭᒐᖃᕐᕖᑦ ᐱᐅᓯᐅᒥᑎᑦᓯᓗᑎᒃ ᓴᕿᔮᖅᑎᑦᓯᓛᖅᑐᑦ ᐊᕗᖅᓯᒪᔭᖏᑦᑕ ᐊᔾᔨᐸᓗᖏᓐᓂᒃ ᐱᖁᑎᓂᒃ. ᓄᑖᑦ ᓇᓂᔭᐅᕙᓪᓕᐊᑎᓪᓗᒋᑦ, ᐳᓛᖅᐸᒃᑐᑦ ᑲᓇᑕᓕᒫᒥ ᓂᕆᐅᒋᔭᖃᕈᓐᓇᖅᐳᑦ ᐅᓪᓗᒥᒨᓕᖅᑎᑕᐅᕙᓪᓕᐊᖏᓐᓇᕐᓂᐊᖅᑐᓂᒃ ᓴᕿᔮᖅᑎᑕᐅᔪᓄᑦ.

ᕈᐅᔪ ᐊᓐᑎᐅᕆᔪᒥ ᑕᑯᔭᒐᖃᕐᕕᖓᑕ ᐃᓚᐅᑎᑕᖏᑦ ᓴᕿᔮᖅᑎᑦᓯᓂᕐᒧᑦ ᐋᕿᒃᓱᐃᔩᑦ ᐃᖅᑲᓇᐃᔭᖅᑏᓪᓗ ᓴᖅᑭᔮᖅᑎᑕᐅᔪᓄᑦ ᑲᒪᔩᑦ, ᑲᓇᑕᒥᓪᓗ ᒥᕐᖑᐃᖅᓯᕕᓕᕆᔨᒃᑯᑦ ᐱᑕᖃᖅᑎᑦᓯᓚᖅᑐᑦ ᐅᓂᒃᑳᖅᑎᓂᒃ ᐊᒻᒪᓗ ᑕᕐᕆᔭᒐᒃᓴᓂᒃ ᓴᕿᔮᖅᑎᑦᓯᓗᑎᒃ. ᑖᒃᑯᐊ ᐃᓚᖃᓛᖅᑐᑦ ᐅᓪᓗᒥᒨᓕᖓᓕᖅᑎᓯᒪᔪᓂᒃ ᐊᔾᔨᐅᖏᑦᑐᒥᒃ ᖃᐅᔨᓴᕐᓂᐅᓯᒪᔪᓂᒃ, ᐃᒪᐅᑉ ᐃᖅᑲᖓᓂᒃ ᐃᑦᑕᕐᓂᓴᖅᓯᐅᖅᑎᓂᒃ, ᐊᒻᒪᓗ ᐊᓯᕈᐃᑦᑕᐃᓕᒪᓇᓱᖕᓂᕐᒥᒃ ᐊᑑᑎᔭᐅᔪᕕᓂᕐᓂᒃ ᑲᓇᑕᒥ ᒥᕐᖑᐃᖅᓯᕕᓕᕆᔨᒃᑯᖏᓐᓄᑦ ᐊᒻᒪᓗ ᐱᓕᕆᖃᑎᒋᔭᖏᓐᓄᑦ, ᓱᓕᒋᐊᓪᓚᒃ ᓄᓇᕘᑦ ᒐᕙᒪᖓ ᐃᓚᐅᓪᓕᓚᐅᕐᓂᖓᓂᒃ ᓯᑎᐱᕆ 2014-ᒥ ᓇᓂᔭᐅᓚᐅᖅᑎᓪᓗᒍ ᐅᒥᐊᕐᔪᐊᕕᓂᖅ HMS ᐃᕆᐸᔅ. ᐃᓄᐃᑦ ᐃᑲᔪᖅᓯᓯᒪᓂᖏᑦ ᐊᒻᒪᓗ ᐃᓚᐅᖃᑕᐅᓂᕆᔭᖏᑦ ᓴᕿᔮᖅᑎᑕᐅᓛᕐᒥᔪᑦ.

ᑐᑭᒧᐊᖅᑎᑦᓯᔨᒋᔭᐅᓚᐅᖅᑐᖅᑐᖅ ᕈᐃᔪ ᐊᓐᑎᐅᕆᔫᑉ ᑕᑯᔭᒐᖃᕐᕕᖓᓄᑦ ᒫᒃ ᐃᖕᔅᑐᕋᒻ ᐅᖃᓚᐅᖅᐳᖅ, “ᐃᑲᔪᖅᑎᖃᖅᖢᑕ ᑲᓇᑕᐅᑉ ᒥᕐᖑᐃᖅᓯᕕᓕᕆᔨᖏᓐᓂᒃ, ᕈᐃᔪ ᐊᓐᑎᐅᕆᔪᒥ ᑕᑯᔭᒐᖃᕐᕕᒃ ᖁᕕᐊᓱᒃᐳᖅ ᐃᑲᔪᕆᐊᒥᒃ ᑐᑭᒧᐊᖅᑎᑦᓯᖃᑕᐅᓗᓂ ᑐᑭᓯᓂᐊᖃᑎᒌᖕᓂᐅᔪᓂᒃ ᑲᑕᓇᒥᐅᑦ ᒥᕐᖑᐃᖅᓯᕕᖏᓐᓂᒃ ᓴᕿᔭᖅᑎᑦᓯᓂᐊᕐᓗᑎᒃ ᐱᐅᔪᒻᒪᕆᐊᓗᖕᒥᒃ ᐱᐅᓯᐅᓯᒪᔪᕕᓂᕐᒥᒃ ᐊᒥᓲᓂᖅᐹᓄᑦ ᑕᑯᔭᐅᓂᐊᕐᓗᓂ ᐃᓄᖕᓄᑦ. ᑲᔪᓯᑎᑕᐅᓂᑦᑎᓄᑦ, ᐃᒪᐅᑉ ᐃᖅᑲᖓᓂᒃ ᐃᑦᑕᕐᓂᓴᖅᓯᐅᑏᑦ ᖃᐅᔨᓴᖅᑏᑦ ᐅᒥᐊᕐᔪᐊᕕᓂᕐᒥᒃ HMS ᐃᕆᐸᔅᒥ, ᐊᒻᒪᓗ ᕿᓂᖅᑕᐅᖏᓐᓇᕐᓂᖓ ᐅᒥᐊᕐᔪᐊᕕᓂᐅᑉ HMS ᑎᐅᕉ, ᓂᕆᐅᒋᔭᖃᕐᐳᒍᑦ ᐱᐅᓯᐅᒥᑎᑦᓯᔪᒪᓪᓗᑕ ᐱᓇᓱᐊᖅᑕᐅᔫᑉ ᐃᓗᓕᖏᓐᓂᒃ ᐊᕐᕌᒍᓄᑦ ᐱᖓᓱᓄᑦ ᐊᑑᑎᓂᐊᖅᑐᓄᑦ.”

ᑲᓇᑕᒥ ᒥᕐᖑᐃᖅᓯᕕᓕᕆᔨᒃᑯᑦ ᑲᒪᔨᒻᒪᕆᖓᑦ, ᑖᓂᓕ ᕗᐊᑦᓴᓐ ᐅᖃᖅᓯᒪᔪᖅ, “ᓇᓂᔭᐅᔪᓐᓇᖅᓯᓚᐅᖅᐳᖅ ᐅᒥᐊᕐᔪᐊᕕᓂᖅ HMS ᐃᕆᐸᔅ ᐊᔾᔨᒌᖏᑦᑑᑎᑎᒍᑦ ᑐᑭᒧᐊᖅᑎᑕᐅᓂᖃᖅᓂᖓᓄᑦ ᓱᖅᑯᐃᔭᐃᓂᓕᕆᓂᒃᑯᑦ ᐊᒻᒪᓗ ᐃᓄᐃᑦ ᐃᓕᖅᑯᓯᑐᖃᖓᓐᓂᒃ ᐅᓂᒃᑳᖅᑕᐅᖃᑦᑕᕐᓯᒪᓂᖓᒍᑦ. ᑕᒪᓐᓇ ᐱᒻᒪᕆᐅᓚᐅᖅᐳᖅ ᐊᑑᑎᔭᐅᓂᖓ ᐱᐅᓯᕆᔭᐅᔪᖅ ᐊᒻᒪᓗ ᐃᑦᑕᕐᓂᓴᕐᓯᐅᕐᓂᕆᔭᖓᑦ ᑲᓇᑕᒥ ᒥᕐᖑᐃᖅᓯᕕᓕᕆᓖᔩᑦ. ᑲᓇᑕᒥ ᒥᕐᖑᐃᖅᓯᕕᓕᕆᔩᑦ ᖁᕕᐊᓱᒃᐳᑦ ᐱᓕᕆᖃᑎᖃᕆᐊᒥᒃ ᕈᐃᔪ ᐋᓐᑎᐅᕆᔪ ᑕᑯᔭᒐᖃᕐᕕᖓᓂᒃ ᐊᔪᕐᓇᖏᑎᑦᓯᓂᕐᒥᒃ ᑲᓇᑕᓕᒪᒥᐅᓂᒃ ᑲᓇᑕᒥ ᖃᐅᔨᒋᐅᕈᓐᓇᖁᔨᓪᓗᑎᒃ ᐃᓕᑦᑎᕙᓪᓕᖁᔨᓪᓗᑎᒡᓗ ᖃᓄᐃᓐᓂᕆᓯᒪᔭᖓᓂᒃ ᕝᕌᓐᒃᓕᓐ ᐊᐅᓛᕐᓂᕆᔭᒥᓂᖏᑦ.”

ᑲᓇᑕᒥᐅᑉ ᐃᓚᐅᖃᑕᐅᔪᓐᓇᕐᓂᐊᓕᕐᒪᑕ ᕗᕋᓐᑭᓕᓐ ᐅᓂᒃᑳᖅᑕᐅᓂᖓᓄᑦ ᖁᔭᓐᓇᒦᖅᐸᕗᑦ ᐊᖏᔪᒻᒪᕆᖕᒥᒃ ᑐᓂᓯᓯᒪᖃᑦᑕᕐᓂᖏᓐᓄᑦ ᐅᑯᐊ ᐃᓚᐅᓪᓗᑎᒃ Lead Exhibit Patron, ᕗ. ᒐᕐᕕᐅᓪᑦ ᕗᐃᔅᑕ ᑐᖓᕕᖓᑦ, ᑲᓇᑕᐅᑉ ᒐᕙᒪᖓ, Isles Foundation Incorporated-ᔮᓐ ᐃᐅᕗᖕ ᖃᑕᖑᑎᒌᑦ; WB ᖃᑕᖑᑎᒌᑦ ᑐᙵᕕᖓᑦ; ᐊᓐᑐᕈ ᐊᒻᒪᓗ ᕙᓗᕆ ᐳᕆᒍᓪ, ᐊᒻᒪᓗ ᑭᓇᒃᑰᓂᕐᒥᓂᒃ ᐅᑲᖅᓯᒪᖏᖢᑎᒃ ᑮᓇᐅᔭᖃᖅᑎᑦᓯᓯᒪᔪᑦ. ᖃᐅᔨᒪᓇᕈᑎᐅᕗᖅ ᑕᑯᓐᓇᕈᓯᖏᓐᓂᒃ ᐃᒫᒃ ᑲᓇᑕᒥᐅᑉ ᑕᕆᐅᖓᑕ ᓯᒡᔭᖓᓂᑦ ᓯᒡᔭᖓᓄᑦ ᐃᓕᑦᓯᕕᖃᕈᓐᓇᓚᓕᕐᓂᖏᓐᓂᒃ ᐱᒻᒪᕆᐊᓗᖕᒥᒃ ᐱᐅᓯᐅᓯᒪᔪᒥᒃ.

ᕝᕌᓐᒃᓕᓐ ᐊᐅᓛᕐᓂᕆᔭᒥᓂᖏᑦ

ᕝᕌᓐᒃᓕᓐ ᐊᐅᓛᕐᓂᕆᔭᒥᓂᖏᑦ ᖃᒪᓇᕆᔭᐅᓯᒪᖕᒪᑦ ᑭᖑᕚᕆᓄᑦ ᑲᓇᑕᒥᐅᓄᑦ: ᒪᐃ 19, 1845-ᖑᑎᓪᓗᒍ, ᔭᓐ ᕝᕌᓐᒃᓕᓐ ᐅᒥᐊᕐᒥᒃ ᐃᓱᒪᑕᕆᔭᐅᓪᓗᓂ, ᕈᐃᔪ ᐅᓇᑕᖅᑐᒃᓴᒃᑯᑦ ᐅᒥᐊᕐᔪᐊᖓᑦ HMS ᐃᕆᐸᔅ ᐊᒻᒪ ᐅᒥᐊᕐᔪᐸᖅ HMS ᑎᐅᕈ ᐃᖕᒡᓚᓐᒥᑦ ᐊᐅᓪᓚᖅᑐᕕᓃᒃ ᐅᒥᐊᖅᑐᖅᖢᑎᒃ ᓱᖅᑯᐃᔭᐃᓂᕐᒨᖓᔪᒥᒃ ᖃᐅᔨᓴᕆᐊᖅᑐᖅᖢᑎᒃ ᐊᒻᒪᓗ ᑭᖑᓪᓕᖅᐸᒥᒃ ᓇᓂᓯᔭᖅᑐᕋᓱᒃᖢᑎᒃ ᓱᓪᓗᐊᓗᒃ ᐅᐊᓕᓂᕐᒥᑦ ᕿᑭᖅᑖᓗᖕᒧᑦ ᑕᕆᐅᒃᑯᑦ ᐊᖁᑎᖓᓂ. ᑭᖑᓪᓕᖅᐹᒥᒃ ᑕᑯᔭᕕᓂᖅ ᓴᓐᓂᕈᑎᐅᑉ ᐃᒪᖓᑕ ᐃᑭᖅᐸᓯᐊᓂ ᐋᒋᓯ 1845-ᖑᑎᓪᓗᒍ, ᐊᓯᐅᑐᐃᓐᓇᕐᓂᑰᒃ ᕝᕌᓐᒃᓕᓐ ᐊᐅᓛᕐᓂᕆᔭᒥᓂᖏᑦ ᒪᕐᕉᒃ ᐅᒥᐊᕐᔪᐊᒃ ᓱᓕ ᑲᓇᑕᓕᒫᒥᒃ ᖃᐅᔨᔭᐅᔪᒪᓂᖅᐸᐅᕘᒃ 170 ᐊᕐᕌᒐᑦ ᓈᓯᒪᓕᖅᑎᓪᓗᒋᑦ.

- 30 -

Project Partner logos

ᕈᐃᔪ ᐊᓐᑎᐅᕆᔪᒥ ᑐᓴᐅᒪᑎᑦᓯᔨ ᖃᐅᔨᒋᐊᕐᕕᐅᔪᓐᓇᖅᑐᖅ
ᒥᐅᕆᓕᓐ ᕗᕋᐃᑦᒪᓐ, ᐅᖃᓕᒫᒐᓕᐅᖅᑎᒻᒪᕆᖓᑦ
marilynf@rom.on.ca
416.586.5826

ᕈᐃᔪ ᐊᓐᑎᐅᕆᔪᒥ ᐃᓅᖃᑎᒌᓂᒃ ᑐᓴᐅᒪᖃᑦᑕᐅᑎᑦᔪᑎᖏᑦ
ᓱᕐᓗ : ROM Facebook
ᒪᓕᒡᓗᒍ: @ROMtoronto @ROM_Canada #HMSErebus
ROM Instagram
ᖁᖏᐊᕐᓗᒍ: ROM YouTube

ᕈᐃᔪ ᐊᓐᑎᐅᕆᔪᒥ ᑕᑯᔭᒐᖃᕐᕕᐅᑉ ᒥᒃᓵᓄᖓᔪᖅ
1914-ᒥᑦ ᐅᒃᑯᐃᖅᑕᐅᓂᑯ, ᑲᓇᑕᐅᑉ ᑕᑯᔭᒐᖃᕐᕕᖓ ᐊᖏᓂᖅᐸᑦᑎᐊᖅ ᐱᐅᓯᐅᓯᒪᓪᓚᕆᒃᑐᓄᑦ ᐊᒻᒪᓗ ᓄᓇᕐᔪᐊᖅ ᐃᓕᖅᑯᓯᖃᑎᖏᑦᑐᑎᐅᓂᖏᑦᑎᒍᑦ 6-ᒥᓕᐊᓐᓂᒃ ᐱᖁᑎᑕᓕᒃ ᐊᕝᕗᖅᑕᐅᓯᒪᔪᓂᒃ ᐊᒻᒪᓗ ᑕᑯᔭᒐᖃᕐᕕᖓ ᓴᕿᔮᖅᑎᑦᑎᓪᓗᓂ ᓴᓇᐅᒐᕐᓂᒃ, ᐃᑦᑕᕐᓂᓴᕐᓂᒃ ᐊᒻᒪᓗ ᓄᓇᒥᐅᑕᓂᒃ ᓱᖅᑯᐃᔭᐃᓂᕐᒨᓕᖓᔪᓂᒃ. ᕈᐃᔪ ᐊᓐᑎᐅᕆᔪᒥ ᑕᑯᔭᒐᖃᕐᕕᖓ ᑲᓇᑕᒥᑦ ᐊᖏᓂᖅᐹᖑᔪᖅ ᓄᓇᒥ ᖃᐅᔨᓴᖅᑕᐅᔪᕕᓂᕐᓅᓕᖓᔪᓂᒃ ᑎᒥᐅᔫᓪᓗᓂ ᐊᒻᒪᓗ ᓯᓚᕐᔪᐊᓕᒫᒥᒃ ᓯᕗᓕᖅᑎᐅᓪᓗᓂ ᖃᐅᔨᓴᕐᓂᕐᒨᓕᖓᔪᓂᒃ ᐅᑯᓇᖓᑦ ᐊᔾᔨᒌᖏᑦᑑᑎᓄᑦ ᐱᕈᖅᓯᐊᖃᕐᕕᐅᔪᓄᑦ ᐊᒻᒪᓗ ᐆᒪᔪᕕᐅᔪᓄᑦ palaeontology, ᐊᒻᒪᓗ ᐊᑐᓂᑦ ᓱᖅᑯᐃᔭᐃᓂᕐᒨᖓᔪᑦ ᐃᑦᑕᕐᓂᓴᓕᕆᓂᕐᒥᒃ, ᐃᓅᖃᑎᒌᓐᓂᕐᒨᓕᖓᔪᓂᒃ ᐊᒻᒪᓗ, ethnicology ᐊᒻᒪᓗ ᑕᕐᕆᔭᕐᓴᓕᐅᕐᓂᕐᒧᑦ ᐃᓕᖅᑯᓯᐅᔪᓂᒃ - ᓴᕿᑎᑦᓯᓂᖅ ᓄᑖᓂᒃ ᑐᓴᐅᒪᔭᐅᔭᕆᐊᓕᖕᓂᒃ ᓯᓚᕐᔪᐊᒥ ᑐᑭᓯᐅᒪᔭᐅᖁᓪᓗᒋᑦ ᐱᐅᓯᐅᓯᒪᔪᑐᖃᐃᑦ ᐊᒻᒪᓗ ᐅᓪᓗᒥᐅᓕᖅᑐᖅ ᐊᓯᔾᔨᖅᓯᒪᓂᕿᔨᖅᑕᖏᑦ ᐅᑯᐊ ᐃᓕᖅᑯᓯᐅᑉ ᐊᕙᑎᐅᓪᓗ. ᐃᑲᕐᕋᓄᑦ-24-ᓄᑦ ᖃᐅᔨᒋᐊᕐᕕᐅᔪᓐᓇᖅᑐᑦ ᖃᓪᓗᓈᑎᑐᑦ ᐅᐃᕖᑎᑐᑦ, ᐅᖄᓚᕕᐅᓗᓂ 416-586-8000 ᐅᕝᕙᓘᓐᓃᑦ ᐳᓛᖅᑕᐅᓗᓂ ᕈᐅᔪ ᐊᓐᑎᐅᕆᔪᒥ ᑕᑯᔭᒐᖃᕐᕕᐅᑉ ᖃᕆᑕᐅᔭᒃᑯᑦ ᐱᑐᒃᓯᒪᕕᖓ ᐅᕙᓂ www.rom.on.ca. ᐃᓯᕈᑏᑦ ᐊᑐᐃᓐᓇᐅᖕᒥᔪᑦ ᖃᕆᑕᐅᔭᒃᑯᑦ ᐅᕙᓂ www.rom.on.ca.

*ᐊᔾᔨᖑᐊᑉ ᓇᓗᓇᐃᔭᐃᓂᖓ ᐃᖅᑲᐅᑉ ᐊᑖᓂ ᐃᑦᑕᕐᓂᓴᖅᓯᐅᖅᑎ ᒫᒃ-ᐊᑐᕇ ᐱᐊᕐᓃ ᐃᒪᕐᒥᐅᑕᒥᒃ ᐆᒪᔪᒥᒃ ᖃᐅᔨᓴᖅᑕᐅᔪᒃᓴᒥᒃ ᐊᕝᕗᖅᑐᖅ ᐅᒥᐊᖅᑕᖓᑕ ᓵᖓᓂ ᐅᒥᐊᕐᔪᐊᕕᓂᐅᑉ HMS ᐃᕆᐸᔅ ᐃᓗᐊᓂ © ᑲᓇᑕᒥ ᒥᕐᖑᐃᖅᓯᕕᒃ/ᑎᐅᕆ ᐳᐊᔨ

 

Authored by: Cheryl Fraser